Dewch i gwrdd ag Ysgol Roc Parth Dysgu Blaenau Gwent
21 Chwefror 2023
Mae gwledd o dalent yn y Coleg ac mae hynny’n amlwg o blith y dysgwyr yn Ysgol Roc Parth Dysgu Blaenau Gwent. O ddal sylw cynhyrchwyr recordiau sydd wedi gweithio gyda phobl megis Tom Odell, James Arthur ac Oasis, i chwarae ar BBC Wales Introducing, a hyd yn oed cael eu chwilota gan label recordiau o Gymru!
Mae’r Ysgol Roc yn rhaglen a anelir at wella sgiliau ysgrifennu caneuon y dysgwr cerddoriaeth ynghyd â’u rhannu gyda’r gymuned ehangach. Mae’n gweithio ochr yn ochr â’i brif gwrs gan ddatblygu ei unedau cyfansoddi a pherfformiad byw.
Yn ogystal â’r dysgwyr, mae’r tîm cyfan yn ddawnus gan gynnwys aelodau staff â sgiliau sylweddol:
Daniel Richards
Mae Daniel, sy’n ddarlithydd mewn cerddoriaeth, wedi gweithio gyda Bonnie Tyler, Rob Brydon a Ruth Jones i enwi ond rhai yn unig. Mae e hefyd wedi cynorthwyo yn y West End ac mae’n arbenigwr o ran helpu ein hegin sêr roc i gadw eu traed ar y ddaear.
Holly Ellis
Mae Holly, cyd-ddarlithydd ac arweinydd Lefel A ar gyfer Cerddoriaeth yn defnyddio ei phrofiad i redeg yr ochr glasurol. Mae ei sgiliau delweddu a hyrwyddo yn wych gan roi cyfleoedd i’r dysgwyr y tu allan i’r Coleg megis chwarae gigiau yn y gymuned!
Tommy Haynes
Mae Tommy yn aelod newydd o’r tîm ac mae’n gyn-ddisgybl o ICMP (Prifysgol Gerddoriaeth ac Ysgol Berfformio yn Llundain) ac mae’n gyn-ddysgwr yn Coleg Gwent gan ennill ei gymhwyster TAR yma! Mae e’n ysgrifennwr caneuon da iawn gan ddod o gefndir technoleg gerddoriaeth sy’n cynorthwyo â’r ochr cynhyrchu cerddoriaeth.
Alan Nash
Mae Alan, Gweithiwr Cymorth, wedi dod yn enw cyfarwydd iawn yn yr adran. Gan roi cymorth gwych o ran ysgrifennu a chyngor, mae e’n ymarferol ac yn gefnogol. Pan fydd y myfyrwyr yn chwarae gig, gallwch chi warantu y bydd Alan yno.
Gyda’i gilydd, mae ein haelodau staff a’n dysgwyr wedi cyflawni pethau anhygoel. Yn ystod y cyfnod clo, crëwyd disg gryno gan, wedyn, chwarae gigiau i’w hyrwyddo pan gafodd y cyfyngiadau eu codi. Ym mis Rhagfyr, cynhaliwyd sioe Nadolig ac roedd dros 100 o bobl yn bresennol – roedd llawer o aelodau’r gynulleidfa yn arbenigwyr yn niwydiant cerddoriaeth a bydd un o’r bandiau hyd yn oed yn perfformio yn rowndiau terfynol .
“Rydym yn awyddus i’w gweld yn datblygu ac yn ehangu fel artistiaid. Mae eu gweld yn perfformio, yn llwyddo ac yn cyflawni yn wobrwyol iawn. Mae gigiau a theithiau ar y gorwel felly cadwch lygad allan – rydym bob amser yn croesawu eich cefnogaeth!” – Daniel Richards
Archwiliwch ein cyrsiau ac ymgeisiwch heddiw!